ບໍລິສັດ ທະນາຄານກະສິກອນໄທ ຈຳກັດ ມະຫາຊົນໄດ້ສ້າງຕັ້ງຂຶ້ນໃນວັນທີ 8 ມິຖຸນາ 1945 ດ້ວຍເງິນທຶນຈຳນວນ ຈົດທະບຽນ 5 ລ້ານບາດ ແລະ ມີພະນັກງານພຽງແຕ່ 21 ຄົນເທົ່ານັ້ນ. ສຳນັກງານແຫ່ງທຳອິດ ເຊິ່ງປະຈຸບັນ ນີ້ເປັນສຳນັກງານຖະໜົນເສືອປ່າ. ທະນາຄານໄດ້ປະສົບຜົນສຳເລັດເປັນຢ່າງດີ ພາຍຫຼັງໄລຍະເວລາ 6 ເດືອນ ຂອງການດຳເນີນງານ. ໃນວັນທີ 31 ທັນວາ 1945 ຫຼື ຕອນທ້າຍ ຂອງງວດບັນຊີທຳອິດ, ທະນາຄານໄດ້ມີຍອດເງີນຝາກລວມທັງໝົດ 12 ລ້ານບາດ ແລະ ມີຊັບສິນ 15 ລ້ານບາດ.

ນັບຕັ້ງແຕ່ມື້ເປີດຈົນຮອດປະຈຸບັນນີ້, ທະນາຄານໄດ້ມີການຂະຫຍາຍຕົວຢ່າງໝັ້ນຄົງ ແລະ ເຂັ້ມແຂງ. ຮອດວັນທີ 30 ມິຖຸນາ 2014, ທະນາຄານມີທຶນຈົດທະບຽນ 30, 486 ລ້ານບາດ, ມີຊັບສິນທັງໝົດ 2,339,798 ລ້ານບາດ, ເງິນຝາກຈຳນວນ 1,567,499 ລ້ານບາດ ແລະ ສິນເຊື່ອທັງໝົດ 1,471,922 ລ້ານບາດ. ທະນາຄານປະກອບມີ 1,054 ສາຂາ ແລະ ໜ່ວຍບໍລິການ ໃນຂອບເຂດທົ່ວປະເທດ ເຊິ່ງປະກອບມີ 315 ສາຂາໃນກຸງເທບມະຫານະຄອນ ແລະ 739 ສາຂາປະຈຳແຕ່ລະພາກ. ມີສຳນັກງານຕົວແທນ ຕ່າງປະເທດ 11 ແຫ່ງ ລວມມີ ສາຂາ ລັອດສ໌ ແອງເຈີລີສ, ສາຂາຮົງກົງ, ສາຂາເກາະເຄແມນ, ສາຂາ ເຊິນເຈີນ, ສາຂາ ເຊີງດູ, ສາຂາຍ່ອຍລອງກັ່ງ ແລະ ສຳນັກງານຜູ້ຕາງໜ້າທີ່ນະຄອນຫຼວງປັກກິ່ງ, ຊຽງໄຮ້, ຄຸນໝິງ, ໂຕກຽວ, ຢ່າງກຸ້ງ ເຊິ່ງຈະຊ່ວຍອຳນວຍຄວາມສະດວກໃນດ້ານການຄ້າລະຫວ່າງ ປະເທດ ແລະ ໃຫ້ບໍລິການທາງດ້ານການເງິນລະຫວ່າງປະເດທດໄທ ແລະ ປະເທດຄູ່ຄ້າໃນທົ່ວໂລກ. ຕະຫຼອດໄລຍະ 69 ປີທີ່ຜ່ານມາ, ທະນາຄານໄດ້ມຸ່ງໝັ່ນໃນການພັດທະນາອົງກອນ ແລະພັດທະນາ ຜະລິດຕະພັນທາງການເງິນຢ່າງສະໝ່ຳສະເໝີ ພ້ອມໃຫ້ການບໍລິການອັນເປັນເລີດແກ່ລູກຄ້າ ພາຍໃຕ້ ຄຳຂວັນ ຂອງທີ່ທະນາຄານທີ່ວ່າ “ກ້າວສູ່ຄວາມເປັນເລີດໃນດ້ານການບໍລິການ” ດັ່ງທີ່ໄດ້ອະທິ ບາຍໄວ້ລຸ່ມນີ້:

ປີ 2003: ທະນາຄານກະສິກອນໄທ ໄດ້ເປີດສາຂາການບໍລິການຮູບແບບໃໝ່ ຄັອບຟີ່ ແບັງຄິງ “Coffee Banking” ແຫ່ງທຳອິດ ຂອງອາຊີ.

ບັດເດບິດ ແບບຈຳກັດ (Limited edition debit cards): ທີ່ມີຕົວກາຕູນຕ່າງໆ ເຊັ່ນ: Paul Frank, Angry Birds, Hello Kitty ແລະ ອານິເມຊັນ ໄທ, ‘ຍັກ’.

ທະນາຄານກະສິກອນໄທ ເປັນທະນາຄານແຫ່ງທຳອິດທີ່ໂອນເງິນສຳລັບແຮງງານມຽນມາ ໄປຍັງປະເທດຂອງເຂົ້າເຈົ້າ.

ບໍລິການ Escrow Agent: ເປັນທະນາຄານແຫ່ງທຳອິດໃນປະເທດໄທທີ່ຮັບເປັນຄົນກາງໃນການເບິ່ງແຍງ ແລະ ຈັດການຜົນປະໂຫຍດຊື້-ຂາຍເຮືອນ ໃຫ້ຜູ້ຊື້ ແລະ ຜູ້ຂາຍ. ບໍລິການ ໂມບາຍ ເວຣີຟາຍ ບາຍ ວີຊ່າ: ເປັນການໃຫ້ບໍລິການລະບົບຊຳລະເງິນຜ່ານໂທລະສັບມືຖືທີ່ມີຄວາມປອດໄພ ແຫ່ງທຳອິດ ຂອງໂລກ.

ການແກ້ໄຂບັນຫາວົງຈອນທຸລະກິດ(K-Value Chain Solutions): ເປັນການແກ້ໄຂບັນຫາດ້ານການເງິນ ທຳອິດ ຂອງປະເທດໄທ ທີ່ເບິ່ງແຍງ ທຸລະກິດ ຂອງລູກຄ້າ ຕະຫຼອດວົງຈອນທຸລະກິດແບບສຸດກົກສຸດປາຍ.

ໂຄງການ “ຝາກໄດ້ທຸກເລື່ອງກັບ KBank” ເພື່ອໃຫ້ຄວາມຊ່ວຍເຫຼືອ ແລະ ຈັດການກັບບັນຫາຕ່າງໆ ຂອງລູກຄ້າຄື: ຝາກເບິ່ງແຍງບັນຫາທາງການເງິນ, ຄະແນະນຳ ກ່ຽວກັບຊ່ອງທາງຄວາມຮັ່ງມີ, ທຸກໆຂໍ້ສອບຖາມ ທາງການເງີນ, ຝາກຈັດການບັນຫາດ້ານການເງິນ, ຝາກເບິ່ງແຍງທຸລະກິດຕັ້ງແຕ່ເລີ່ມຕົ້ນ, ຝາກຫາຂໍ້ມູນ ທີ່ເປັນປະໂຫຍດຜ່ານເຄືອຂ່າຍພັນທະມິດທຸລະກິດຂອງທະນາຄານ, ຝາກວາງແຜນການທ່ອງທ່ຽວ ແລະ ຝາກເບິ່ງແຍງທຸກເລື່ອງໃນບ້ານ. ດັ່ງນັ້ນ, ລູກຄ້າສາມາດຝາກໄວ້ກັບທະນາຄານກະສິກອນໄທ ໄດ້ທຸກເລື່ອງ.

ເປັນທະນາຄານແຫ່ງທຳອິດ ຂອງໄທ ທີ່ຂະຫຍາຍເວລາໃຫ້ບໍລິການຊື້-ຂາຍເງິນຕາຕ່າງປະເທດ ນັບແຕ່ເວລາ 05:00 – 11:00 ໂມງແລງ.

ທະນາຄານກະສິກອນໄທ ໄດ້ອອກ “ບັດເດບິດ K-My”, ເຊິ່ງເປັນການບໍລິການບັດເດບິດທຳອິດ ຂອງປະເທດໄທ ທີ່ຊ່ວຍໃຫ້ລູກຄ້າສາມາດປັບແຕ່ງບັດເດບິດ ຂອງເຂົາເຈົ້າໄດ້ເອງ.

ທະນາຄານ ໄດ້ເລີ່ມຂະຫຍາຍເວລາເຮັດວຽກ ໃນສາຂາທີ່ມີລັກສະນະ ຂອງການບໍລິການ ‘KBank Extra Hour’ ຄື ວັນຈັນ ຫາ ວັນພະຫັດ ເລີ້ມແຕ່ເວລາ 08:30 ໂມງເຊົ້າ ຫາ 16:30 ໂມງແລງ ແລະ ໃນວັນສຸກ ເລີ່ມແຕ່ 08:30 ໂມງເຊົ້າ ຫາ 18:00 ໂມງແລງ.